Servus,

to jo, Berni, sie sam melduja i wszytkich grisuja. Urodziołech sie w Dobrodzieniu a tak po nasymu to we (Gutynie), a tero miyskom łod 1979 roku we okolicach abo peryferiach Hannoveru. Mom kochano żoneczka i dwojga fajnistych dzieci, jedna frechowno Frela i jednego Karlusa, kery sie nie chce za bardzo po ślonsku ucyc ;-). Muzyka mi sie festy ale to festy podobo i to prawie kożdo, to je obojytnie czy ta po Śląsku po Polsku, po Niemiecku, czy tyż po Angielsku, wszystkie spiywki som fajne, kere sam dlo wos na tym nasym rodzinnym radyjku Bercik - Silesia gromy. Wiam że bydzie Wom sie tukej u nos podobać, i bydymy sie sam razym na nasych audycjach fajniście bawić, a jo wos już terozki zaproszom do wspólnej zabawy razem z nami Bercikami.
Zaproszom na te wszystkie nase audycje, a jak zechcecie to i na moje pra. ;-)
Was Berni.


Berni@radiobercik.eu

Pozdrawiam,

Czy Wy wiecie, czy nie wiecie? Babyjagi są na świecie;-) A na Mazowszu są na pewno. Witam i pozdrawiam Was bardzo serdecznie. Przyszłam na ten cudny świat 13 -tego, imieniny też obchodzę 13 -tego – stąd dwie 13 -tki. I jak nie wierzyć w szczęście? Tym bardziej, że na swej drodze „netowej” spotkałam ludzi bardzo mi bliskich i oddanych, których mogę z całą pewnością nazwać – przyjaciółmi. Z Radiem Bercik jestem związana od pierwszych chwil jego istnienia, od pierwszych taktów muzyki płynącej w eter. Mam zaszczyt prowadzić audycje i umilać Wam czas.
„Muzyka łagodzi obyczaje”
– to moje motto życiowe.


BabaJaga1313@radiobercik.eu

Hallo, witom wos wszystkich,

Urodziyłech się dość downo tymu i juz nic niy pamięntom ale w papiorach mom napisane, że było to 21 lipca roku pańskiego 1951 w Chorzowie Starym. Jakzech mioł 6 lot, przekludziyli my sie na Helynka wele Zabrza i tam tyz łaziol zech do podstawowki. Tam tyz przezył zech całe moje dziecinstwo i młodziyncze lata. Potym lazioł zech do Technikum Chemicznego, zas w Chorzowie Starym wele Azot. Piyrwszo moja robota znoloz zech w Browarze w Zabrzu, Potym robiolech w fabryce komputerów na Helynce a potym kupa lot pod ziemiom na grubie "Powstance Slaskie" w Bytomiu. W styczniu 1988 przijechołch do Rajchu i tu na stałe mieszkom juz 20 lot. Mom sam fajny łogrodek i tam pija sobie czasami piwko, ale juz niy te z browaru w Zabrzu....
Wasz Janusz


Janusz@radiobercik.eu

Hejka Kochani !!!!

Chciałach Wom sie tyz trocha przedstawić, zebyście to wiedzieli z kim to mołcie do czynienia ......
No to urodziyłach sie kupa, kupa lot tymu, było wtedy bardzo ciepło, bestorz nie lubia zimy. Mjyszkałach w mały wsi koło Metropolji Walce. Pochodza z bardzo muzykalny rodziny, a przez 4 lata spjywałach w zespole na zabawach i weselach , a nawet w kościele. Przed 19 laty przyjechałach do Niemiec i teraz mjyszkom w Neuss, jest żech mężatka i momy dwie piekne córeczki. Bardzo, a to bardzo ciesza sie, ze moga tu na naszym Radyjku Wom trocha muzyki z mojy kolekcji przedstawić i mom tako cicha nadzieja , ze bydziemy sie razym fajnie bawić.
Wasza Karina


Karina@radiobercik.eu

Witom Wos wszystkich bardzo gorąco,

Ciesza sie ze byda mogła sie z Wami pobawić i do Wos troszka muzyki pograć na moich audycjach w RADIU BERCIK, mom nadzieja ze bydziecie sie dobrze bawili razym zy mnom...
A teraz coś o mnie... mom na imie Asia urodziołach sie doś trocha tymu na naszym czornym Śląsku, i sam tyz miyszkom do teraz, a tak naprowda to w fajnyj dzielnicy Świętochłowic ... na Lipinach... Mom kochanego meża i super dzieci... uwielbiom muzyka, kochom granie na radiu i dobro zabawa.. a tak więcej jako jestech to sami ocynicie, jak sie troszka zy mnom pobawicie :)
Wasza Asia


Asia@radiobercik.eu

Hallo... to jo frela z opolskygo,

Nazywom se Maria ale wszyscy godajom mi Meri, nie wia czymu??? a... juz wia - to tak bardzi po amerykansku. Urodziyłach se 1. grudnia ale ktorygo roku??? było to tak downo, że już zapomniałach. Urodziyłach se i miyszkom w Brozcu. Od nojmodszich lot bardzo lubia muzyka, nasza swojsko, niymiecko i czesko, a jeszcze wiynci szpasu robi mi graniy na radiu. Na piyrszi miejscu jednak w zyciu stawiom moja kochano rodzinka. A jak grom i rozprawiom to na Radiu Bercik, możecie posuchac na co już tera serdecznie zaproszom
... Wasza Meri.


Meri@radiobercik.eu

Klaniom sie nisko,

na tym bildzie to jo Walynciok prosiyli mie sam cosik o sobie napisac, som niy wiym co??. Urodziol zech sie 3.Stycznia 1961 Roku w Rokitnicy, jak mi godali bolo wtedy pieronym zimno, jo nic z tego niystety niy pamiyntom. Jedno co pamiyntom to, to zech juz od Bajtla lubiol muzyka lepi jak nupel. Na Roczek dostol zech od Papy gitara niystety bez stron Papa pedziol jak sie naucza grac to strony tyz dostana. Ja, te zech sie potym musiol som kupic bo mie zapomnieli. We szkole szlo mi srednio, roz lepi roz gorzi. Wszystkego zech sie nauczol, niystety poprawnie po polsku do dzisiej jeszcze niy poradza i mysla ze tego sie juz niy naucza. W 1989 pojechali my tzn. Jo, moja Dorka i nasz synek Martin co miol roczek na Urlop do niymiec, sam tyz urodziola nom sie nasza Cera Stefanie i tak my somy komplett. Bilety powrotne nom porwali ha ha i my byli zmuszone tukej zostac. Do dnia dzisiyjszego jeszcze my sie nowych niy dorobiyli, miyszkomy we Kaufungen to jest kolo Kassel. Zglosiol zech sie do Bernika bo zostol zech ostatnio bez mojego Hobby, a jo bardzo kochom muzyka co nikere juz sie o tym przekonali i chciolbych to fajne co nom muzyka dowo dali sluchaczom przekozac i wom sam objecuja ze sie byda bardzo starol kozdo wolno chwila umilic. Przi poparciu moi Rodziny mysla ze mi sie to udo no i bardzo bych tyz poczebowol poparcia ze strony Radia i Suchaczy.


Walynciok@radiobercik.eu

Kochani Słuchacze,

Witom Wos serdecznie na Radiu Bercik, chca wom tysz trocha o sobie napisać urodziołach sie w Marcu w Zabrzu ale niy na Ul.Piekarskiej tam tysz miyszkałach do lutego 1990 Roku potym my sie spakowali i przyjechali na wycieczka do Düsseldorfu i tam tysz mieszkali my do 2000 Roku. Potym wykludzyli my sie na Willich i sam tysz miyszkomy, jestym mężatkom momy 2 dzieci Syna i Cera. Chcecie wiedzieć wiela mom lot? - tysz wom powiem 18 + Watt + Akzyza. To tyla o mnie. Mom nadzieja że bydymy sie sam fajnie Bawić i umilać sie Czas. Zapraszom do wspólnej Zabawy.
Wasza Beate


Beate@radiobercik.eu

Witom wszystkich bercikow rozsionych po colkim swiecie.

Jo jest karlus z Chorzowa, urodziołech sie 10. Czerwca 1954 roku, a na imie mi dali Johann. Od 1986 mieszkom w Braunschweigu, tu mom swój ogródek kaj sie z rodzinką i Freundami fajnie relaksujemy. Teraz chca wos zaprosić bardzo goraco na moje audycje kere właśnie byda sam z Braunschweigu do wos nadować. Juz teraz sie raduja na wspólno zabwa z Wami, no i myśla że i wy że mnom tyż.
No to PYRSK i fyrlomy i jo czekom na WOS !!!


Johann@radiobercik.eu

Witom wos wszystkich cołko Bercikowo rodzinka,

Przy chrzcie dali mi na imie Basia, wiadomo czymu jeżech cera górnika no i tradycji stało sie zadość Barborka w rodzinie boła. Urodziołach sie w Chorzowie póznom jesieniom, a boło to już bardzo downo, powiem wom w skrycie boło to w zeszłym 100-leciu. W roku 1986 pojechali my do niemiec na Braunschweig i tak sie sam mieszkomy do dzisioj i stąd tyż byda nadować do wos audycje. Zaproszom wos bardzo gorąco na moje audycje, sie już bardzo ciesza na Wasze wpisiki, na wspólno zabawa razem z Wami.
ZAPROSZOM ;))


Basia@radiobercik.eu

Witom,

nazywom sie Krzysiek urodzioł żech sie 22.08.1987 roku w Rybniku. 18 lot miyszkołech w Boguszowicach, aktualnie miyszkom w niymcach na Bayerach. Łod dziecka słuchom szlagrów śląskich czasami som coś naszkryflom i som zaśpiywom. Myśla że bydymy sie fajnie bawić razym do kupy jak to na śląsku bywo. Pozdrowiom Krzysiek


Krzysiek@radiobercik.eu

Also,

jo je Seba z chorzowa nr cwaj  (Königshütte) tu tyż mieszkom od urodzynio, a boło to 18 luty 1975. Moja pasyjo to komputery tworza stronki i inne bzdety, ogólnie lubia to co robia a to chyba sie liczy. Lubia śląsko kuchnia. Jeżech otwarty na świat i dobrych ludzi. Słuchając radyjoka bercik to łezka w oku, jedna wielko familio, więc postanowiłech sprubować swoich sił. Zapraszom i mom nadzieja że sie spodobo.


Zibi@radiobercik.eu

* * * * * * * * * * * * * * * * * * * * * * * * * * * * * * * * * * * * * *

  Członek zarządu RB - Chris

Witum wos serdecznie to jo Chris,

jak juz wiymy, na radyjku u Bercika gro muzyka, przy kierej sie idzie zawse na czacie fajnie pobawic, poklikac i miec duzo spasu, a nawet nowych klikocy poznac.

Zaproszom wos wszystkich kierzy sum wartcy przy klikaniu, zaproszom wos wszystkich kierzy sum pomali przy klikaniu... zaproszom wos wszystkich do wspolnyj zabawy z nami berci-czatusiami. Wasz chris_70_de

Chris@radiobercik.eu

Witom wszystkich to jo Romek_osna,

jo sie sam melduja, by tyż coś do radyjka Bercik zrobić, chciołbych sie tu zająć naszą Bercikową Galerią. Prosza wszystkich do wysyłania waszych fotek na tyn niżej podany adres m@ilowy by te wasze skarby i pamiątki umiescić na naszej Bercikowej Galerji. Myśla ze sam kupa fajnych pamiątek nazbieromy, a jo sie już ciesza na wasze maile.


Romek_osna@radiobercik.eu