ZAŁOGA  RADIA  BERCIK  SILESIA


    Zarząd KV.BS - Załozyciel Radia, Prezenter, - Berni


Berni

1 - Audycja
10.10.2007

Servus,

to jo, Berni, sie sam melduja i wszytkich grisuja. Urodziołech sie w Dobrodzieniu a tak po nasymu to we (Gutynie), a tero miyskom łod 1979 roku we okolicach abo peryferiach Hannoveru. Mom kochano żoneczka i dwojga fajnistych dzieci, jedna frechowno Frela i jednego Karlusa, kery sie nie chce za bardzo po ślonsku ucyc ;-). Muzyka mi sie festy ale to festy podobo i to prawie kożdo, to je obojytnie czy ta po Śląsku po Polsku, po Niemiecku, czy tyż po Angielsku, wszystkie spiywki som fajne, kere sam dlo wos na tym nasym rodzinnym radyjku Bercik - Silesia gromy. Wiam że bydzie Wom sie tukej u nos podobać, i bydymy sie sam razym na nasych audycjach fajniście bawić, a jo wos już terozki zaproszom do wspólnej zabawy razem z nami Bercikami.
Zaproszom na te wszystkie nase audycje, a jak zechcecie to tyż i na moje pra... ;-)
Was Berni.


Berni@radiobercik.eu


    Prezenter Radia Bercik - Silesia - Janusz




1. - Audycja
28.07.2008
(04.11.2015)
Re. 03.02.2016

Hallo, witom wos wszystkich,

urodziyłech się dość downo tymu i już nic niy pamięntom ale w papiorach mom napisane, że było to 21 lipca roku pańskiego 1951 w Chorzowie Starym. Jakzech mioł 6 lot, przekludziyli my sie na Helynka wele Zobrza i tam tyż łazioł żech do podstawówki. Tam tyż przezył żech całe moje dziecinstwo i młodziyńcze lata. Potym łazioł żech do Technikum Chemicznego, zas w Chorzowie Starym wele Azot. Piyrwszo moja robota znoloz żech w Browarze w Zobrzu, Potym robiołech w fabryce komputerów na Helynce a potym dugi czas na grubie "Powstance Śląskie" w Bytomiu. W styczniu 1988 przijechołch do Rajchu i tu na stałe mieszkom już kupa lot. Mom sam fajny łogródek i tam pija sobie czasami piwko, ale już niy te z browaru w Zabrzu....
Zaproszom do zabawy w Studiu Hannover.
Wasz Janusz


Janusz@radiobercik.eu


    Prezenterka Radia Bercik - Silesia - Meri


Meri

1 - Audycja
29.04.2009

Hallo... to jo frela z opolskygo,

Nazywom se Maria ale wszyscy godajom mi Meri, nie wia czymu??? a... juz wia - to tak bardzi po amerykansku. Urodziyłach se 1. grudnia ale ktorygo roku??? było to tak downo, że już zapomniałach. Urodziyłach se i miyszkom w Brozcu. Od nojmodszich lot bardzo lubia muzyka, nasza swojsko, niymiecko i czesko, a jeszcze wiynci szpasu robi mi graniy na radiu. Na piyrszi miejscu jednak w zyciu stawiom moja kochano rodzinka. A jak grom i rozprawiom to na Radiu Bercik, możecie posuchac na co już tera serdecznie zaproszom
... Wasza Meri.


Meri@radiobercik.eu


    Prezenter Radia Bercik - Silesia - Janek


Janek

1 - Audycja
22.01.2011

Witom Wos Bercikule i Berciki!,

Jo jest Janek i pochodza ze Slonska ze robotniczy familjy. Urodziol jo sie w Kochlowicach dzisiejszo Ruda Sl. 31. stycznia w tamtym wieku. Jak jo miol 2 lata to my sie przekludziyli do Swietochlowic i tam zech sie wychowol. Potym jo laziol do podstawöwki i technikum gorniczego we Chorzowie. A zeby na chlyb zarobic to zaczon jo robic w hucie „Batory” ,bo poznol jo tako frelka tyz ze Chorzowa co mie za chopa sie wziynla i czeba bylo rodzina zalozyc. W 1984 roku pojechol jo do Niymiec zeby lobejrzec jak to ludzie zyjom w innym landzie A ze papiory po drodze jo straciol to jo niy miol wyjscia ino tu lostac. Od tego czasu mieszkom w Köln i tyz jo tu robiol we „Fordzie” kupa lot. Od bajtla interesowala mie muzyka a som grom na akordjonie i keybordzie ale ino do siebie. Jo sie byda radowol jak Wy bydziecie suchac moich audycji na co Wos gorko zaproszom. I mysla ze bydymy sie wzajymnie umilac czas.


Janek@radiobercik.eu


    Prezenterka Radia Bercik - Silesia - Rybka


Rybka / Ania

1 - Audycja
09.04.2011

Witom Wos serdecznie na Radiu Bercik,

tys musza coś pedzieć ło sobie. Jo jest frelka z Piekor Śląskich, tu sie urodziłach i miyszkom do dziś. Bardzo sie ciesza że dostałach sie na to richtik ślaskie Radio o których zawsze marzyłach. Wiycie żyja muzyką od dziecka moj tata nom groł na łorgankach a my z bratem spiywali. Chór szkolny i kościelny zaliczyłach że moga pedzieć, że Muzyka to moja Miłość. Zawsze i wszędzie musi mi coś grać i chciałabych tys Wom pograć, bo bez muzyki niy ma życio. Wieku jo niy czuja choć mom 2 synów, zawsze godom tyla mom lot na wiela wyglondom... Myśla ze bydymy sie fajnie bawić, Pozdrowiom Wos cieplutko i zaproszom do zabawy Wasza Ania - Rybka.


Rybka@radiobercik.eu


    Prezenter Radia Bercik - Silesia - Heniek


Heniek

1 - Audycja
25.11.2011

Witom wszystkich bardzo gorko,

i powiym coś o sobie. Urodziołech sie 15. sierpnia we Chorzowie, tak downo tymu, że mi godajom co ludzie tak długo niy żyjom. Tam tyż zaczynoł żech i konczoł cołko swoja udukacjo. Poza tym grołech we orkiestrze "Huty Kosciuszko" i grom do dzisioj na gitarze i próbuja grać na organach. A wiync jest żech muzykalny. Lubia tyż pisać wiersze, teksty piosynek. I nawet z mojom lepszom połowom nagrali my już pora piosynek. Od trzech lot miyszkom z mojom ukochanom w Oberhausen i stond byda prowadzioł swoje audycje. Ostatnie 20-lot fedrowołech na grubie "Katowice" i juz jestech na pynzyji. Mom dwie piykne córki i trzi sliczne wnusie. No i jest żech szczynsliwie zakochany. Bardzo lubia grać na radiu, bo sprawio mi to ogromno radość, tym bardziej jak moje nutki sprawiajom radość innym. Mom nadzieja kochani że mnie ciepło przijmiecie na tym radiu i że kożdo moja audycja bydzie wom przinosić blank dużo radości. Zaproszom wos serdecznie na radio "Bercik" i na nasze audycje. To by boło na tyla. A wiync, zaproszom do zabawy i na konsolka.


Heniek@radiobercik.eu


    Prezenterka Radia Bercik - Silesia - Kornelia


Kornelia

1 - Audycja
03.09.2013

Witom pozdrawiom,

Mom na imie Kornelia. Urodziłach sie na śląsku i tyż tu dali miyszkom w takiej miejscowosci Leszczyny. Godom po śląsku ale tyż umia czystą polszczyzną. Lubia muzyka śląsko, niemiecko. Lubia grać i słuchać takiej właśnie muzyki. Jo wszystkich zapraszom na moje audycje i wspólne zabawy na radiu RBS.
Kornelia.


Kornelia@radiobercik.eu


    Prezenterka Radia Bercik - Silesia - Celina


Celina

1 - Audycja
16.09.2013

Witom Wos kochane Berciki !!!,

To joł je diobołek z opolskiego, Wmówiyli mi że sie nazywom Celina, bo jako to richtich boło na chrzcie, to nie pamietom, bo bołach za mało. Miyszkom w doma, żeby w zimie mi co nieco nie zmarzło. Dach nad gową mom w Krośnicy , a znajduje sie na środku ogródka. Łod urodzenia mom alergia, nie wiam co to za jako, ale jak słysza muzyka, nogi mi same podskakują. Mom nadzieja że tom alergiom tyż Wołs banda umiała zarajzić. No to życzam Wom dobrej zabawy i wartkiego zarażenio sie.
Celina.


Celina@radiobercik.eu


    Prezenter Radia Bercik - Silesia - Bogdan


Bogdan

1 - Audycja
23.09.2013

Witom Wos Kochani,

Jo je synek ze Bielszowic to je dzielnica Rudy Śl. Bocian mnie przynios do moich rodziców 5, czyrwca 1970r. Do szkoły miołech pod gorka ale skończołech edukacjo. Tera robia na grubie we Bielszowicach. Mom gryfno żonka i dwóch bajtli cera i synka Lubia fussball to je moje hobby. Oczywiście lubia tyż muzyka i myśla że Wy tyż, więc zaproszom Wos na nasze audycje na Radiu Bercik - Silesia
Wasz Bogdan.


Bogdan@radiobercik.eu


    Prezenterka Radia Bercik - Silesia - Genia


Genia

1 - Audycja
01.06.2015

Witejcie!!!,

Muzyka łączy ludzi i łagodzi obyczaje ale przede wszystkim umilo życie. Nazywom sie Genia-. Od urodzynio czyli 08.12.1959 roku mieszkom na Ślonsku w Rudach, To jest w srodku takigo trojmiasta Gliwice, Raciborz, Rybnik. Chyba w beciku już mi grali bo kochom muzyka. Mom ogromne poczucie humoru i lubia sie fajniście bawić, a najwiekszo radość sprawio mi rozbawianie. Dlatego spróbowałach swoich sił na radiu i to mi sie podobo. Zaproszom na swoje programy zawsze jak ino czas mi pozwoli. Obiecuja, że niebydziecie sie ze mną nudzić i życza fajnistej zabawy z naszym radiem.
Waszo Genia - Wesoło dziołcha z Rud.


Genia@radiobercik.eu


    Prezenter Radia Bercik - Silesia - Michał


Michał

1 - Audycja
26.03.2017

Witejcie Kochani nasi Słuchacze -:),

z tyj strony Michał z Tarnowskich Gór kaj zech sie urodzioł 24 stycznia pora lot już tymu i do dziś sam mieszkom z familiom. Śląsko ziemia, Śląska muzyka, Śląsko godka od zawsze boła kole mie i do dziś jest i tego sie niy wstydza nawet jak zech jest z samymi Polokami :) Mom nadzieja że na audycjach nojlepszego Śląskiego Radia jakim jest Radio Bercik bydymy się razem fajnie bawić. Do usłyszenio na antenie Radia Bercik - Silesia !!!
Pozdrowiom, - Michał :-).


Michal@radiobercik.eu


    Prezenter Radia Bercik - Silesia - Ludwik


Ludwik

1 - Audycja
07.01.2018

Witom i pozdrowjom Wszystkich -:),

No i trza by jak tukej już zrobili wszyscy troszka pedzieć ło siebie. Wjync zaczynom - Urodził żech sie 16 listopada w tamtym wieku w Mikołowie a łochrzcili mje mjanami Ludwik - Wiktor i tak zostało do teroz ;-) Jak mi było 7 lot przekludzili my sie na Halymba kaj prziszło mi iść do podstawówki ( niy było innego wyjścio ;-) Potym dalszo edukacja w szkole FSM Tychy - do niy wtajymniczonych Fabryka malucha. Potym wojsko i zmjana roboty na Gruba, konkretnie w 1982 roku na KWK Nowy Wirek ( kedyś Gliniki ) i tak jako slusorz potym przez 20 lot sztajger aż do 2008 roku, w kerym żech to poszoł na pyndzyjo. Łod 2009 roku mjyszkom w Pyrlandi ( Wielkopolska ) a tak bliży to w Kaliszu z żonkom Basiom. Kochom muzyka łod zawsze różny maści. Chciołbych bardzo gorko zaprosić Wos kożdego dnia na Audycje mojich Koleżanek i Kolegów z Ekipy. No i łoczywiście na Wspólne chwile zy mnom na Naszym radyjku życzonc szpasu i Pjykny zabawy.
Wasz Ludwik.


Ludwik@radiobercik.eu


 

    GOŚCINNO  ZAŁOGA  BERCIKA


    Parafia Dobrodzień - pw. św. Marii Magdaleny  ( Gościnnie )


Parafia pw. św.
Marii Magdaleny

Parafia Dobrodzień,


Nadajemy w każdą Niedzielę i Święta.
Msza Święta transmitowana o godz. 10:30
z Parafii Św. Marii Magdaleny w Dobrodzieniu.

Dekanat:
Dobrodzień Plac Wolności 4. 46-380 Dobrodzień

Duszpasterze:
Ks. Mariusz Kleman - Proboszcz
Ks. Kamil Ponikowski - Wikariusz


Parafia@radiobercik.eu


    Rybnicki rybník - Zdena Peterkowa                     ( Gościnnie )


Zdena Peterkowa

Ahoj!!!,

Menuji se Zdena Peterkowa, jsem porodila
v maju 1823, mieszkalach v ceském rybníku
v Karvinie, ale poslední 110 let mieszkalam Rybnickim rybníku. Jedneho dna uslyszalam krásnou hudbu z rádia plynaco Bercik Silesia - a moc se mi líbí hudba. Prosím hlavu radiostanice Berneho umožňující mi také hrát naši hudbu na vašem rádiu. Všechny posluchaši chci pozvat na mé vysílání jednou za měsíc.
Zdravím a přeji vám skvělou zábavu Peterkowa. Nashle !!!


Peterkowa@radiobercik.eu


 

  NIEAKTYWNO ZAŁOGA BERCIKA


    Status Nieaktywny - Alice


Alice (Aliss)

1 - Audycja
28.04.2013
17.11.2017

Witom wos drodzy słuchacze Radia Bercik,

teros powiem wom coł niecoł o sobie. Urodziołach sie latym jak boła okropno hica na placu. Do niemiec przijechałach ponad dwadzieścia lot tymu i tak sie sam z mojom rodzinkom miyszkom. Momy trójka dzieci, tyn piyrwszy i tyn ostatni to karlusy a pośrodku wyszła frelka. U nos w doma na codziyń gro muzyka, czy to nutki z radyjka lecom, czy tyż Live, jak mój chopek klupje po klawiszach. Muzyka przinosi radość i dlotego chciałabych podzielić sie z wami moim repertuarym. Wierza, że bydymy razem zusammen mieli o czym pogodać, poklachać fajnom muzyczkom to wszystko zafaszerować i mieć srogi ubaw.
Wasza Alice
(To sie godo tak...
Aliss)

Alice@radiobercik.eu


 

  POMOCNICZNO ZAŁOGA BERCIKA


    Zarząd KV.BS - Intendant Radia Bercik - Silesia - Bolek


Bolek

Zarzondzanie
R.B.- Silesia
(05.07.2009)
od 21.03.2015

Hej,

to jo, Bolek, we funkcji intendanta Radia Bercik - Silesia, stowarzyszenia - Kulturvereinigung Bercik - Silesia e.V. Zaproszom Wos do wspólnej zabawy na wszystkich audycjach R.B.S. Życza Wom styjc dobrego odbioru i dyckam kupa spasu na naszych audycjach z naszymi prezenterkami i prezenterami na tym nojfajnijszym radyjoku na swiecie.

Pozdrowiom Wos i Wasze rodzinki
Wasz Bolek.


Intendant@radiobercik.eu


    Poetka Radia Bercik - Silesia - Dorka


Berci-Poetka
Doreczka
Mateczka
(DSK)
26.09.2009

Hallo to jo, ze Zobrzo frela...

-dostalach rozkaz od szefa coby sam trocha o siebie naszmarowac, a rozkazow trza suchac -toz: Urodziolach sie... ja, bo niy mialach inkszego wyjscio, a bolo to... kiedys na jesiyn -bestoz moim ulubionym kwiotkiym som chryzantymy. Co bolo potym? no ja, roslach- ale za wielko niy uroslach, bestoz mi moje klachulki "kreplik" godajom. Do szkoly tyz lotalach i to tak dlugo az masarkom zostalach. Pora lot, jak mi jeszcze kosci niy zgrzitaly tancowalach i spiywalach w Zespole Piesni i Tanca Mikulczyce -to juz ale historia. Co niy jest historiom -to fakt ze juz od szkolych lot lubiolach pisac niy ino wiersze ale i bajki kere potym moim dzieciom osprawialach. A bolo komu bo mom ich 6 i 2 wnukow -frelka i karlusa. I to jest caly moj majontek. Po smierci mojego slubnego, a bolo to w 1990r spakowalach moja cielodka i pojechalach do Dortmundu -kaj zyja do dzisiej, a od poru fajnych lot szmaruja do nojlepszego radia na swiecie jakim jest Radio Bercik - Silesia.
Pozdrowiom - Dorka - Slasko Klachula (DSK)


Dorka@radiobercik.eu


    Informatyk Radia Bercik - Silesia - Zibi


Zibi

1 - Audycja
25.01.2010

Also,

jo je Seba z chorzowa nr cwaj  (Königshütte) tu tyż mieszkom od urodzynio, a boło to 18 luty 1975. Moja pasyjo to komputery tworza stronki i inne bzdety, ogólnie lubia to co robia a to chyba sie liczy. Lubia śląsko kuchnia. Jeżech otwarty na świat i dobrych ludzi. Słuchając radyjoka bercik to łezka w oku, jedna wielko familio, więc postanowiłech sprubować swoich sił. Zapraszom i mom nadzieja że sie spodobo.


Zibi@radiobercik.eu


 

  Na zawsze w naszych sercach...


     - Fred -  ( Śpieszmy się kochać ludzi, tak szybko odchodzą ... )


Fred

1. Audycja
25.07.2013
31.01.2016 [*]

Nie umiera ten,
kto trwa w sercach i naszej pamięci.


Jak trudno żegnać na zawsze kogoś,
kto mógł być jeszcze z nami…
W żałobie i smutku po śmierci naszego Fredzia,
chcieliby my w imieniu naszego zwionzku KVBS,
łoroz cołkyj Redakcji Radia Bercik - Silesia,
i naszych słuchaczy złożyć dla rodziny i bliskich
wyrazy głębokiego żalu i wyrazy współczucia.


     Jagusia  ( Śpieszmy się kochać ludzi, tak szybko odchodzą ... )


Jagusia

1. Audycja
10.10.2007
23.10.2016 [*]

Nie umiera ten,
kto trwa w sercach i naszej pamięci.


Odszedłaś tak szybko...
- a tyle chcieliśmy Ci dać.
Odszedłaś tak szybko...
- a z Twym odejściem przyszedł płacz.
Odszedłaś tak szybko...
- została po tobie pustka, cierpienie i żal.

Jaguś, już nic nie będzie tak jak kiedyś,
czy możemy komuś zaufać tak jak Tobie?
Teraz kiedy stoimy nad Twoim grobem,
i zalani łzami patrzymy w jasny płomień znicza,
wspominamy najpiękniejsze chwile naszego życia.
I gdy czas mija w milczeniu, zadajemy pytanie:
Dlaczego Ty - Krystynko, dlaczego TY?

W żałobie i smutku po śmierci naszyj Krystynki,
chcieliśmy w imieniu naszego zwionzku KVBS,
łoroz cołkyj Redakcji Radia Bercik - Silesia,
i naszych słuchaczy złożyć dla rodziny i bliskich
wyrazy głębokiego żalu i wyrazy współczucia.